काठमाडौं । नेपाली लेग स्पिनर सन्दीप लामिछानेले तेस्रो सिजनको ग्लोबल टी–२० क्यानडामा उत्कृष्ट प्रदर्शन गरिरहेका छन् । उनले ५ खेलमा बलिङको मौका पाउँदा १० विकेट लिइसकेका छन् ।
सर्रे जग्वार्सबाट लिग खेलिरहेका सन्दीपले गएराति मिसिसौगा प्यान्थर्सविरुद्धको खेलमा घातक बलिङ गर्दै ‘प्लेयर अफ द म्याच’ घोषित भए । उनले ४ ओभरमा ६ रन मात्र लिएर महत्वपूर्ण ३ विकेट लिए ।
सन्दीपले आजम खान (२), टम कूपर (०) र जाहूर खान (१) को विकेट लिएका हुन् । सन्दीपले ५ खेलमध्ये २ मा ३/३ तथा २ खेलमा २/२ विकेट लिएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
