एजेन्सी । फुटबलको सर्वोच्च निकाय फिफाले सार्वजनिक गरेको उत्कृष्ट प्रशिक्षकको फाइनल तीन सूचीमा अर्जेन्टिनालाई विश्वकपको उपाधि जिताउन सफल लियोनल स्कालोनी, रियाल मड्रिडका कार्लो एन्सेलोटी र म्यानचेस्टर सिटीका पेप गार्डियोला परेका छन् ।
पुरुष राष्ट्रिय टोलीका प्रशिक्षक, पुरुष राष्ट्रिय टोलीका कप्तान, फुटबल पत्रकार र फिफाको आधिकारिक वेबसाइटमा मतदान गर्ने समर्थकहरू सम्मिलित अन्तर्राष्ट्रिय निर्णायकहरूले छनोट गरेका हुन् ।
फिफा अवार्डमा ८ अगस्ट २०२१ देखि १८ डिसेम्बर २०२२ सम्मको अवधिमा पुरुषतर्फको खेलमा उत्कृष्ट प्रदर्शन गर्ने प्रशिक्षकलाई मान्यता दिइन्छ । विजेताको घोषणा २७ फेब्रुअरी २०२३ मा पेरिसमा हुने अवार्ड समारोहमा गरिनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
