काठमाडौं । क्रिस्टियानो रोनाल्डो साउदी फुटबल क्लब अल नासरमा आवद्ध भएका छन्। पोर्चुगिज फरवार्ड रोनाल्डो कीर्तिमानी वार्षिक १७७ मिलियन पाउण्डमा उनी ३ वर्षका लागि आवद्ध भएका हुन्।
यससँगै रोनाल्डोले सन् २०२५ सम्म साउदी अरेबियाको टोली अल नासरबाट फुटबल खेल्नेछन्।
साउदी अल(नासर क्लबका अध्यक्ष मुस्ली अल मुअम्मर र रोनाल्डोबीच स्पेनको राजधानी म्याड्रिडमा सो बारे सम्झौता भएको हो । रोनाल्डोले सम्झौतामा हस्ताक्षर गरेसँगै अध्यक्ष मुअम्मरले रोनाल्डोलाई क्लबको ७ नम्बरको जर्सीसमेत प्रदान गरेका थिए ।
रोनाल्डोले पाउने फुटबल इतिहासकै सबैभन्दा ठूलो पारिश्रमिक हो । म्यान्चेस्टर युनाइटेड छोडेपछि ३७ बर्षिय रोनाल्डो रियल मड्रिड फर्किने हल्लाकैबीच साउदी क्लबमा आवद्ध भएका हुन् ।
रोनाल्डो अनुबन्ध भएको क्लबले ९ पटक साउदी लिग जितेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
