काठमाडौं । कतारका अमिर शेख तमिम बिन हमाद अल थानी आज दुईदिने नेपाल भ्रमणमा आउँदै छन् ।
एकीन समय नतोकिए पनि उनी अपराह्न साढे ४ बजेदेखि ५ बजेसम्म त्रिभुवन अन्तर्राष्ट्रिय विमानस्थलमा अवतरण हुने बताइएको छ । उनी आउने समय आधा घण्टा विमानस्थल बन्द गरिने भएको छ ।
उनी विमानस्थलबाट सोल्टीमोडस्थित पाँचतारे सोल्टी होटलमा जाने छन् । सोक्रममा विमानस्थलदेखि सोल्डीमोडसम्मको सडक पूरै खाली गराइने छ ।
ट्राफिक प्रहरीका अनुसार कतारी राजाको सवारीको बेला सिनामंगल, तीनकुने, शान्तिनगर, नयाँ बानेश्वर, बिजुलीबजार, माइतीघर, थापाथली, त्रिपुरेश्वर, टेकु, कालिमाटी हुँदै सोल्टीमोडसम्मको सडकमा सवारी चलाउन रोक लगाइने छ । सो बेला सवारीसाधन करिडोरहरूमा डाइभर्ट गरिने छ ।
उनको सुरक्षको लागि सरकारले नेपाली सेनाको नेतृत्वमा अति विशिष्ट स्तरको सुरक्षाकर्मीको टोली खटाएको छ । साथै, कतारबाट पनि १०० बढी सुरक्षाकर्मी आएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
