काठमाडौं । सामाजिक सञ्जाल एक्समा अहिले एउटा स्क्रिनशट विश्वव्यापी रूपमा भाइरल भइरहेकाे छ ।
त्यसमा गुगलले आउँदो अगस्टदेखि चर्चित ईमेल सर्भिस जिमेल बन्द हुने सूचना छ । सामाजिक सञ्जालमा जिमेल बन्द हुने हल्ला चलेपछि गुगलले ‘झुटो’ भएको बताएको छ । जिमेल नै बन्द गर्न लागेको खबर तीव्र रुपमा फैलिएसँगै गुगलले यस विषयमा सफाइ दिनुपरेको छ ।
गुगलले आफ्नो पेजमा यसबारेमा प्रष्टीकरण दिंदै जिमेल बन्द नहुने बताएको छ । उसले लेखेको छ- Gmail is here to stay. । जिमेल बन्द हुने हल्ला चलेका बेला एक्सका मालिक एलन मस्कले एक्समेल ल्याउने बताएका छन् । उनले एक्समै एक पोस्टको रिप्लाई गर्दै एक्समेल चाँडै ल्याउने भनेर लेखेका छन् ।
के भन्छ गुगल ?
यो नक्कली स्क्रिनसट एक्स (ट्विटर) र टिकटकमा दसौँ हजार पटक शेयर भएका थिए । गुगलले आफ्नो एआई इमेज टुल जेमिनीको आलोचना खेपेपछि यो कदम उठाइएको दाबी गरिएको छ । झुठो इमेल इन्टरनेटमा भाइरल भएपछि जीमेलले एक्समा आफ्नो आधिकारिक ह्यान्डलबाट जीमेल अहिले बन्द नहुने बताएको थियो ।
यो वर्ष गूगलले जीमेलको एचटीएमएल भर्जनलाई भने बन्द गरेको छ । कम्पनीले २०२४ को जनवरीदेखि जीमेलको उक्त भर्जन बन्द भइसकेको बताइएको छ । स्ट्यान्डर्ड इमेल राम्ररी काम गरिरहेको छ । जीमेलको एचटीएमएल भर्जन कम नेटवर्क भएको स्थानमा ई–मेलमा पहुँचका लागि काम आइरहेको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
