काठमाडौं । त्रिभुवन अन्तर्राष्ट्रिय विमानस्थलमा करिब एक किलो सुनसहित एक जना पक्राउ परेका छन्।
भन्सार जाँच पार गरिसकेको अवस्थामा शंका लागेर चेकजाँच गर्दा पाइन्ट र अन्य लुगाभित्र सुनको लेपन लगाएर ल्याएको अवस्थामा भारतीय नागरिक मोहम्मद जेसनलाई पक्राउ गरिएको प्रहरीले जनाएको छ।
उनी कतारको दोहाबाट मुम्बई हुँदै अपराह्न ४ बजे त्रिभुवन अन्तर्राष्ट्रिय विमानस्थल आएका थिए।
बरामद सुन र जेसनलाई थप अनुसन्धान र कारबाहीका लागि विमानस्थल भन्सार कार्यालयमा बुझाएको प्रहरीले जनाएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
