काठमाडौं । नेपाली धाविका सन्तोषी श्रेष्ठले शुक्रबार बंगबन्धु सेख मुजिव ढाका इन्टरनेसनल म्याराथनको डेब्यूमै राष्ट्रिय कीर्तिमानसहित स्वर्ण पदक जितेकी छिन् ।
दक्षिण एसियाको महिलातर्फको म्याराथनमा उनको यो डेब्यु दौड हो र उनले दुई घण्टा ४६.२२ मिनेटमा दौड पूरा गरिन् । यो नेपालको नयाँ राष्ट्रिय कीर्तिमान पनि हो । उनले यसअघि नेपालकै पुष्पा भण्डारीको नाममा रहेको २ घण्टा ४८ मिनेट ०२ सेकेण्ड दुरीको कीर्तिमान तोड्दै नयाँ कीर्तिमान बनाएकी हुन् ।
त्यही विधामा पुष्पा भण्डारी दोस्रो रहिन् । उनले दुई घण्टा ४९.३३ मिनेटमा दौड पूरा गरिन् । सन्तोषी १३ औं दक्षिण एसियाली खेलकुद (साग) की स्वर्ण र पुष्पा रजत पदक विजेता हुन् । सन् २०१९ मा नेपालमा भएको १३ औं सागमा सन्तोषीले १० हजार मिटर र पुष्पाले म्याराथनमा रजत पदक जितेकी थिइन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
