काठमाडौं । शेयर बजार झिनो अंकले घटेको छ । साताको कारोबारको तेस्रो दिन मंगलवार नेप्से परिसूचक २.१७ अंकले घटेर १८९४.५३ विन्दुमा झरेको छ ।
यसदिन २९० कम्पनीको १ अर्ब २८ करोड २ लाख २८ हजार ९७१ रुपैयाँ बढीको ४७ लाख २७ हजार ९०२ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ८ समूह्को परिसूचक घटेको छ भने ५ को बढेको छ । होटल्स तथा पर्यटन समूहको परिसूचक सर्वाधिक ३.३३ प्रतिशतले बढेको छ।
बुद्धभूमी नेपाल हाइड्रोपावरको मूल्य सर्वाधिक ९.९७ प्रतिशतले बढेर प्रति कित्ता मूल्य ३९४ रूपैयाँ ८० पैसा पुगेको छ। यस्तै, मन्दाकिनी हाइड्रोपावको शेयर मूल्य ८.९२ प्रतिशतले बढेर प्रति कित्ता मूल्य ३४२ रूपैयाँ पुगेको छ।
शेयर मूल्य सर्वाधिक घट्नेमा नारायणी डेभलपमेन्ट बैंक रहेको छ। उक्त कम्पनीको शेयर मूल्य ५.३३ प्रतिशतले घटेर प्रतिकित्ता मूल्य ३५५ रूपैयाँमा झरेको छ। यस्तै, मिड सोलु हाइड्रोपावरको शेयर मूल्य ४.७५ प्रतिशतले घटेर प्रति कित्ता मूल्य ३६१ रूपैयाँ ३० पैसामा सीमित भएको छ।
आज सोनापुर सिमेन्टको शेयर सर्वाधिक किनबेच भएको छ । यसको पौने ८ करोड ४९ लाख रुपैयाँ बढीको कारोबार भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
