काठमाडौँ । सिद्धार्थ बैंकले संस्थापक सेयर बिक्रीमा ल्याएको छ । कम्पनीले संस्थापक समूह तर्फको ५ लाख ४९ हजार ५७३ कित्ता सेयर सर्वसाधारणका लागि बिक्री खुला गरेको हो ।
बैंकले संस्थापक सेयरधनी प्रदिप कुमार केडियाको नाममा रहेको ४ लाख ५४ हजार ५६३ र प्रुडेन्सियल क्यापिटल म्यानेजमेन्ट कम्पनीको नाममा रहेको ९५ हजार १० कित्ता संस्थापक सेयर बिक्रीमा ल्याएको हो ।
नेपाल राष्ट्र बैंकको निर्देशन अनुसार बैंकले पहिलो चरणमा विद्यमान संस्थापकहरुले मात्र आवेदन गर्न पाउने गरी उक्त सेयर बिक्रीमा ल्याएको र उक्त सेयर बिक्री नभएकोले पुनः इच्छुक व्यक्ति, कम्पनी वा संस्थालाई सेयर बिक्री गरिने सूचनामा उल्लेख छ ।
इच्छुक लगानीकर्ताले आज ( मंसिर ६ गतेदेखि ७ दिनभित्र बैंकको केन्द्रीय कार्यालय हात्तिसार, काठमाण्डौंमा के कति सेयर खरिद गर्ने सो को व्यहोरा खुलाई आवेदन फारम बुझाउन सक्ने सूचनामा उल्लेख छ । सेयरको बिक्री मूल्य क्रेता र बिक्रेताको सहमतीअनुसार हुनेछ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
