काठमाडौं । अघिल्ला दुई दिन लगातार ४७ अंकले बढेको शेयर बजार दोहोरो अंकले घटेको छ । साताको कारोबारको अन्तिमदिन शेयर बजार मापक सूचक (नेप्से) ३१.५२ अंकले घटेर २०१३.९३ विन्दुमा पुगेको हो ।
नेपाल स्टक एक्सचेन्जका अनुसार बिहीवार २७५ कम्पनीको १ अर्ब ५५ करोड ५ लाख ८२ हजार ६८५ रुपैयाँ बराबरको शेयर किनबेच भएका छन् ।
आज कारोबारमा आएका १३ वटै उपसमूहको परिसूचकमा घटेको छ । फाइनान्स उपसमूहको परिसूचक सबैभन्दा धेरै २.९२ प्रतिशतले घटेको छ ।
आज सोल्टी होटलको शेयर सर्वाधिक कारोबार भएको छ । यसको ७ करोड ८७ लाख रुपैयाँ बढीको शेयर किनबेच भएको छ ।
दोहोरो अंकले घटेको बजारमा कुथेली बुखरी स्मल हाइड्रोपावरको शेयर मूल्यमा पोजेटिभ सर्किट लागेको छ । यसका शेयर धनीले १० प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
