काठमाडौं । विश्वको सबैभन्दा पूरानो इण्टरनेट ब्राउजरको रुपमा रहेको इण्टरनेट एक्सप्लोरर २०२२ जुन १५ बाट बन्दको घोषणा गरिएको भएपनि अझै पनि धेरैले प्रयोग गरिरहेका छन् ।
प्रसिद्ध प्रविधि कम्पनी माइक्रोसफ्टले २७ वर्ष पूरानो इण्टरनेट एक्सप्लोरर पूर्ण रुपमा बन्द गर्ने तयारी गरिरहेको बेलामा प्रयोगकर्ताले अझै छोड्न नसकेको भन्दै विकल्प खोज्न आग्रह गरेको छ ।
कम्पनीले प्रयोगकर्तालाई चेतावनी दिँदै इण्टरनेट एक्सप्लोररको विकल्प प्रयोगमा ल्याउन आग्रह गरेको छ ।
कम्पनीका अनुसार अझै पनि कतिपय व्यवसाय इण्टरनेट एक्सप्लोररमै आधारित हुँदा बन्द भएको अवस्थामा व्यवसायमा असर पर्ने भन्दै कम्पनीले प्रयोगकर्तालाई सचेत रहन आग्रह गरेको हो ।
२०२३ फेब्रुअरी १४ बाट इण्टरनेट एक्सप्लोरर पूर्णरुपमा बन्द हुनेछ । त्यसकारण, इण्टरनेट एक्सप्लोरर ११ विन्डोज १० मा फेब्रुअरी १४ मा मा पूर्ण रूपमा बन्द हुनेछ ।
इण्टरनेट ब्राउजरको क्षेत्रमा कुनै समय इण्टरनेट एक्स्प्लोररले एकछत्र राज गरेको थियो । सन् २००३ मा यसको बजार हिस्सा ९५ प्रतिशत सम्म पुगेको थियो ।
तर सन् २००४ मा फायरफक्स आएसँगै इण्टरनेट एक्सप्लोररको प्रभुत्व कमजोर हुँदै गयो ।
त्यस्तै सन् २००८ मा गुगल क्रोमको आगमन तथा इण्टरनेट एक्सप्लोरर सपोर्ट नगर्ने एन्ड्रोइड तथा आइओएस मोबाइल अपरेटिङ सिस्टमको बढ्दो लोकप्रियतासँगै इण्टरनेट एक्स्प्लोरर छायाँमा पर्दै गएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
