काठमाडौं । मानुषी लघुवित्त वित्तीय संस्थाको खुद नाफा दोब्बरभन्दा धेरैले बढेको छ । लघुवित्तले शुक्रबार सार्वजनिक गरेको गत आर्थिक वर्ष २०७८/७९ को चौथो त्रैमासिक वित्तीय विवरण अनुसार खुद नाफा १०२ प्रतिशतले बढेको छ ।
गत आवको असार मसान्तसम्म लघुवित्तले २ करोड ४० लाख रुपैयाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा १२ करोड रुपैयाँ बढी हो । अघिल्लो आवमा लघुवित्तले ११ करोड ९० लाख रुपैयाँ खुद नाफा आर्जन गरेको थियो।
लघुवित्तको खुद ब्याज आम्दानी र संचालन मुनाफा बढेपछि खुद नाफामा वृद्धि भएको हो । समीक्षा अवधिमा लघुवित्तको खुद ब्याज आम्दानी २४.०५ प्रतिशतले बढेर ९ करोड ४१ लाख रुपैयाँ पुगेको छ ।
असार मसान्तसम्म लघुवित्तले ७७ करोड ६७ लाख निक्षेप संकलन र ६० करोड २९ लाख रुपैयाँ सापटी लिइ कुल १ अर्ब ५५ करोड कर्जा प्रवाह गरेको छ ।
हाल लघुवित्तको चुक्ता पूँजी १० करोड ९३ लाख रुपैयाँ रहेको लघुवित्तको जगेडा कोषमा ६ करोड ४९ लाख रुपैयाँ संचित रहेको छ ।
समीक्षा अवधिमा लघुवित्तको प्रतिसेयर आम्दानी २१.९८, प्रतिसेयर नेटवर्थ १५९.४३ रुपैयाँ, खराब कर्जा ३.२० प्रतिशत र मूल्य आम्दानी अनुपात ४५.६० गुणा रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
