काठमाडौं । काठमाडौंको तारकेश्वर नगरपालिका-२ काभ्रेस्थलीमा एकै परिवारका चार जनाको मृत भेटिएका छन् ।
प्रहरीका अनुसार चारै जनाको शव घरभित्र फेला पारेको हो । एकै परिवारका ४१ वर्षीय दिनेश पाण्डे, उनकी श्रीमती ३९ वर्षीया सुनिता पाण्डे, १३ वर्षीया छोरी आशिका पाण्डे र ८ वर्षीय आशिक पाण्डेको विभत्स तरिकाले हत्या भएको प्रहरीले जनाएको छ।
गोरखा भीमसेन गाउँपालिका-६ बोर्लाङ नारनपुर स्थायी घर भइ हाल काभ्रेस्थलीमा बस्दै आएका थिए । प्रहरीको अनुसार, ‘श्रीमती र दुई बच्चाको शव एउटा कोठामा भयावह अवस्था छ। श्रीमानको शव अर्को कोठामा देखिन्छ।
त्यसैले श्रीमती र बच्चासहितको हत्या गरेर आफूले आत्महत्या गरेको देखिएको छ । साथै सुसाइट नोट पनि फेला परेको छ । त्यसमा के लेखिएको भनेर खुलाईएको छैन् ।
श्रीमती दुई दिनपछि (वेलायत) युके जाने तयारीमा रहेको स्थानीयहरूले बताएका छन् । माइतीको सहयोगमा उनि बेलायत जान लागेकी थिइन् । पति दिनेश पाण्डेसँग घर झगडा बढ्दै गएपछि माइतीले नै उनलाई बेलायत पठाउन लागेका थिए।
स्थानीयका अनुसार दिनेशले नजिकैको चोकमा बिजुली पसल चलाउने गर्थे । पसल घाटामा गएपछि केहि समयअघि बेचेका थिए । दिनेश ४ वर्षअघि कुवेत बसेर नेपाल फर्किएका थिए । उनी १२ वर्ष कुवेत बसेर तारकेश्वरमा घर बनाएका थिए ।
घरजग्गा सबै श्रीमतीको नाममा रहेछ। विवादबीच श्रीमानले तारकेश्वरको घर बेच्न साढे १० लाख रुपैयाँ बैना पनि गरेका रहेछन् ।
तर श्रीमानले बेच्न लागेको घरको बैना श्रीमतीले फिर्ता गराएपछि दुईजनाबीच झनै कलह चुलिएको थियो। घरेलु झगडाकै कारण यसअघि दुईपटक प्रहरीसम्म उनीहरू पुगेका थिए। घरेलु झगडाकै कारण सम्बन्धविच्छेदका लागि उनीहरु २ पटक प्रहरीसम्म पनि पुगेका थिए।
उनीहरूको छोराछोरी विद्यालय जाने बेलामा पनि बाहिर ननिस्केपछि स्थानीयले ढोका फोडेर हेरेका थिए। घटनाबारे प्रहरीले अनुसन्धान गरिरहेको र थप रहस्य खुल्न बाँकी रहेको जनाइएको छ।
हत्यामा निष्पक्ष छानबिनको माग गर्दै माइतीपक्ष विरोधमा उत्रिएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
