काठमाडौं । भित्रीवस्त्र (अन्डरवेयर)मा लुकाएर डेढकिलो भन्दा बढी सुन भित्र्याउन लागेका एक भारतीय नागरिक पक्राउ परेका छन्। पक्राउ पर्नेमा दुबईबाट काठमाडौं अवतरण गरेका युसुफ हरून छन्।
फ्लाई दुबईको उडानद्वारा आएका युसुफको गतिविधि शंकास्पद देखिएपछि उनलाई प्रहरीले त्रिभुवन अन्तर्राष्ट्रिय विमानस्थलको आगमन टनेल गेटबाट नियन्त्रण लिएको हो। उनको शरीर जाँच गर्दा भित्रीवस्त्रमा अर्धठोस सुनको पोका थान-२ (दुई) को भेटिएको थियो। उक्त सुनको तौल १ हजार ६१० ग्राम भएको बताइएको छ।
युसुफमाथि अनुसन्धान एवं कारबाहीको लागि त्रिभुवन विमानस्थल भन्सार कार्यालय, गौचरमा बुझाइएको प्रहरीले जानकारी दिएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
