काठमाडौं । प्रतिनिधि सभाबाट यौन हिंसा विरुद्धको केही ऐनलाई संशोधन गर्ने विधेयक २०७९ सर्वसम्मतिले पारित भएको छ ।
सोमबार बसेको प्रतिनिधिसभा बैठकमा पेश भएको उक्त प्रस्तावमा भएको छलफलपछि निर्णयार्थ पेश गरिएको थियो ।
आज प्रतिनिधि सभा बैठकमा कानुन न्याय तथा संसदीय मामिलामन्त्री गोविन्दप्रसाद शर्मा कोइरालाले सो प्रस्ताव पेस गरेका थिए। प्रस्तावमाथि सदनमा भएको छलफलमा सांसदहरूले विभिन्न प्रश्न उठाएका थिए।
ती प्रश्नहरूको उत्तर दिने क्रममा मन्त्री कोइरालाले यौन हिंसासम्बन्धीका कसुरको हदम्यादका सम्बन्धमा सांसदहरूले उठाएका विषयमा सरकारको गम्भीर ध्यानाकर्षण भएको जानकारी गराएका थिए।
नेपाल कानुन आयोगलाई हदम्याद बढाउँदा देखा पर्ने सकारात्मक र नकारात्मक परिणामबारे अध्ययनका लागि अनुरोध गरिएको र सो आयोगले प्रस्तुत गर्ने प्रतिवेदनलाई समेत आधार मानेर हदम्यादको प्रावधानलाई आवश्यकताअनुसार सुधार गरिने विश्वास उनले व्यक्त गरे।
हदम्यादकै कारण न्यायबाट कोही पनि पीडिट वञ्चित हुनुनपरोस् भन्ने विषयमा सरकारले गम्भीरतापूर्वक सोचिरहेको उनको भनाइ थियो।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
