काठमाडौं । सरकारले कोरोना भाइरसको ओमिक्रोन भेरियन्ट संक्रमणको संख्या थप बढ्दै गएमा स्मार्ट लकडाउन गर्ने तयारी गरेको छ ।
सिंहदरबारमा आज बसेको कोभिड–१९ संकट व्यवस्थापन केन्द्र (सिसिएमसी) निर्देशक समितिको बैठकले यस्तो निर्णय गरेको हो ।
प्रधानमन्त्री शेरबहादुर देउवासहितको बैठकमा सहभागीले ओमिक्रोन भेरियन्ट संक्रमित संख्या बढ्दै गएकोम चिन्ता व्यक्त गरेका थिए । यसर्थ, आवश्यकताअनुसार स्मार्ट लकडाउन गर्ने बिषयमा सहमति भएके थियो ।
नेपालमा आजैमात्र ९६८ जनामा संक्रमण पुष्टि भएको छ ।
बैठकपछि स्वास्थ्य तथा जनसंख्यामन्त्री विरोध खतिवडाले एकसाताको अवधिमा संक्रमितको संख्या बढ्दै गएमा आवश्यकता अनुसार स्मार्ट लकडाउनमा जाने बिषयमा छलफल भएको जानकारी दिए ।
केही क्षेत्र मात्र बन्द गर्नेगरी सरकारले तयारी थालेकोे उनको भनाइ थियो ।
‘पहिलेजस्तो सवै क्षेत्र बन्द गर्ने सोचमा सरकार छैन । अब केही स्थान वा केही क्षेत्रमात्र बन्द गर्नेगरी स्मार्ट लकडाउनको अवधारणालाई अघि बढाइने छ’, उनले भने ।
भारतबाट प्रवेश गर्ने नाकामा कोरोना परीक्षणलाई प्रभावकारी बनाउने, आइशोलेशन वार्ड निर्माण गर्ने र त्यसको समन्वयनको कार्य प्रमुख जिल्ला अधिकारीले गर्ने मन्त्री खतिवडाले जानकारी दिए ।
स्वास्थ्य मन्त्रालयका अनुसार नेपालमा थप २४ जनामा ओमिक्रोन भेरियन्टको संक्रमण पुष्टि भएको छ । यसको संख्या जम्मा २७ पुगेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
