काठमाडौ । सूचना तथा सञ्चार प्रविधि क्षेत्रमा भित्रिने वैदेशिक लगानीको प्रतिवद्धतामा कमी आएको छ ।
अघिल्लो आर्थिक वर्षको तुलनामा यो वर्ष सूचना तथा प्रविधि क्षेत्रमा भित्रिएको वैदेशिक लगानीमा ५८ प्रतिशत कमी आएको उद्योग विभागको तथ्यांकले देखाएको छ ।
विभागको गत आर्थिक वर्ष २०७७/७८ को तथ्यांकअनुसार सूचना तथा सञ्चार प्रविधि क्षेत्रमा ८० करोड रुपैयाँको मात्रै वैदेशिक लगानी प्रतिवद्धता आएको छ । उक्त वर्ष विभिन्न ६ वटा परियोजनामा ८० करोड रुपैयाँको लगानी आउदा ४१० जनाले प्रत्यक्ष रोजगारी पाएका थिए ।
यो लगानी प्रविद्धता आ.व. २०७६/७७ को भन्दा ५८.७६ प्रतिशत कम हो । उक्त वर्ष सूचना तथा प्रविधि क्षेत्रमा १ अर्ब ९४ करोड रुपैयाँको लगानी प्रविद्धता आएकोमा १ हजार २६१ जनाले प्रत्यक्ष रुपमा रोजवगारी पाएका थिए ।
यस्तो छ पछिल्लो ५ वर्षको तथ्यांक
पछिल्लो ५ वर्षको तथ्यांक अनुसार सूचना तथा प्रविधिको क्षेत्रमा कुल ३ अर्ब ३४ करोड रुपैयाँको लगानी भित्रिएकोमा ३ हजार १७६ जनाले प्रत्यक्ष रोजगारी पाएका छन् ।
विभागको तथ्यांक अनुसार सबैभन्दा धेरै लगानी आर्थिक २०७६/७७ मा भित्रिएको छ । उक्त वर्ष सूचना तथा प्रविधि क्षेत्रमा १ अर्ब ९४ करोड रुपैयाँको लगानी प्रविद्धता आएकोमा १ हजार २६१ जनाले प्रत्यक्ष रुपमा रोजवगारी पाएको विभागको तथ्यांकले देखाउँछ ।
त्यस्तै, आ.व. २०७३/७४ मा सूचना तथा प्रविधिको क्षेत्रमा ८ करोड ५५ लाख रुपैयाँको वैदेशिक लगानी आएको थियो भने ३३५ जनाले प्रत्यक्ष रोजगारी पाएका थिए । जसमा ९ वटा उद्योगमा लगानी भएको थियो ।
आ.व. २०७४/७५ मा कुल १८ परियोजनामा १४ करोड ५० लाख रुपैयाँको लगानी प्रतिवद्धता आएको थियो । जसमा ७१५ जनाले प्रत्यक्ष रोजगारी पाएका थिए ।
त्यसैगरी, आ.व. २०७५/७६ मा सूचना तथा प्रविधिको विभिन्न १५ उद्योगमा ३६ करोड ९० लाख रुपैयाँको लगानी प्रतिवद्धता आएकोमा ४५५ जनाले रोजगारी पाएका थिए ।
आर्थिक वर्ष २०७७/७८ मा सूचना तथा प्रविधिको क्षेत्रका ६ कम्पनीमा ८० करोड रुपैयाँको लगानी भित्रिएको छ । जसमा ४१० जनाले प्रत्यक्ष रोजगारी पाएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
