काठमाडौं । साताको दोस्रो कारोबार दिन आज शेयर बजार राताम्मै भएको छ । पहिलो दिन उछाल देखिएको शेयर बजारमा सोमबार नेप्से परिसूचक ४५.०६ अंकले घटेर २८५४.७६ अंकमा झरेको छ ।
सोमबार राम्रा र बलिया कम्पनीहरुको मापक सेन्सेटिभ इन्डेक्स पनि घट्यो । आज इन्डेक्स ८.६२ अंकले घटेर ५३४.८१ अंकमा झर्यो ।
आज सामुहिक लगानी कोष बाहेक सबै सूचक घट्यो । समुहिक लगानी कोष समुहको सूचक ०.१६ प्रतिशत बढ्यो । सोमबार सबैभन्दा धेरै होटल एण्ड टुरिजम समुहको सूचक घट्यो । होटल एण्ड टुरिजम समुहको सूचक २.९० प्रतिशत घट्यो ।
सोमबार कारोबार रकममा भने बृद्धि भएको छ । आज २२९ कम्पनीको २ करोड ६० लाख २१ हजार १०६ कित्ता शेयर किनबेच हुँदा ९ अर्ब ९८ करोड रुपैयाँको कारोबार भयो ।
आज सबैभन्दा धेरै समुद्धि फाइनान्सका शेयर धनीले कमाए । कम्पनीको शेयर मूल्य ५.२४ प्रतिशत बढ्यो ।
सबैभन्दा धेरै गुमाउनेमा यूनियन हाइड्रोपावरका शेयर धनी छन् । कम्पनीको शेयर मूल्य ५.३३ प्रतिशत घट्यो ।
सोमबार सबैभन्दा धेरै कारोबार निर्धन उत्थान लघुवित्त वित्तीय संस्थाले गर्यो । कम्पनीले ४७ करोड २६ लाख रुपैयाँको कारोबार गर्यो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
