काठमाडौं । चालु आर्थिक वर्षमा सुर्ती तथा सुर्तीजन्य वस्तुको आयात उच्च दरले बढेको छ भने निर्यात भने सिमित मात्रै देखिएको छ ।
चालू आर्थिक वर्षको ७ महिना (साउन-माघ) मा नेपालमा १ अर्ब ६६ करोड रुपैयाँ बराबरको सूर्तीजन्य पदार्थ आयात भएको छ ।
भन्सार विभागको तथ्यांक अनुसार गएको सात महिनामा १ अर्ब ६६ करोड ३८ लाख १७ हजार रुपैयाँ बराबरको सूर्तीजन्य पदार्थको आयात भएको हो ।
अघिल्लो आर्थिक वर्षको सोही समयको तुलनामा भने चालू आर्थिक वर्षको सात महिनामा झण्डै २९ करोड रुपैयाँभन्दा कमको आयात भएको छ ।
विभागको तथ्यांक अनुसार अघिल्लो आर्थिक वर्षको सोही समयमा १ अर्ब ९५ करोड ३५ लाख ६८ हजार रुपैयाँ बराबरको सुर्ती तथा सुर्तीजन्य पदार्थहरु आयात भएको थियो ।
६२ करोडको मात्रै निर्यात
चालू आर्थिक वर्षको सात महिनामा ६२ करोड रुपैयाँ बराबरको मात्रै सूर्तीजन्य पदार्थ निर्यात भएको छ । विभागको तथ्यांक अनुसार गएको सात महिनामा ६२ करोड ८१ लाख रुपैयाँ बरारबको सूर्तीजन्य पदार्थहरु निर्यात भएका छन् ।
यो रकम अघिल्लो आर्थिक वर्षको सोही समयको तुलनामा झण्डै ६ करोड कम हो । अघिल्लो आर्थिक वर्षको सोही समयमा ६८ करोड ६७ लाख रुपैयाँ बराबरको सुर्ती तथा सूर्तीजन्य पदार्थहरु निर्यात भएको विभागको तथ्यांकले देखाउछ ।
नेपालमा विशेषगरी चुरोट, तयारी सूर्ती र गुट्खा लगायत उत्पादन धेरै मात्रामा सूर्तीको खपत हुने गरेको पाईन्छ ।
२०७१/७२– २ अर्ब ३ करोड ७० लाख
२०७२/७३– २ अर्ब ७६ करोड ५० लाख
२०७३/७४– २ अर्ब ८० करोड ५० लाख
२०७४/७५– २ अर्ब ६४ करोड
२०७५/७६– २ अर्ब ३५ करोड ५० लाख
२०७६/७७– ३ अर्ब २८ करोड ४२ लाख
२०७७/ ७८ को सात महिनासम्म– १ अर्ब ६६ करोड रुपैयाँ
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
