काठमाडौं । डिजिटल बैंकिङ प्रविधि विस्तार गर्ने अभियानको क्रममा, लक्ष्मी बैंकले नेपालमै पहिलोपटक कार्डरहित एटिएम ल्याएको छ ।
बैंकले एटिएम कार्डको विकल्प को रुपमा एक नौलो प्रविधि भित्र्याएको हो । बैंकको मोबाईल एप प्रयोग गरेर कार्ड बिना नै एटिएमबाट पैसा झिक्न सकिने बैंकले जनाएको छ ।
बैंकका अनुसार आफ्नो एप मोबाइल मनीमा लग इन गर्नेबितिकै ‘कार्डलेस विथ ड्र’ भन्ने अप्सन देखाउनेछ, जसमा क्लिक गरी आफूलाई चाहेजतिको रकम लेख्नुपर्नेछ ।
यसरी रकम लेखिसकेपछि कन्फर्म गर्नका लागि आफ्नो एम पिन वा फिंगर-प्रिन्ट स्क्यान गर्नुपर्नेछ ।
यति गरिसकेपछि आफ्नो फोनमा ओ.टि.पि. कोर्ड एसएमएसको रुपमा प्राप्त गर्न सकिन्छ, जसलाई कारोबार नसकेसम्म सुरक्षित राख्नुपर्ने हुन्छ । प्राप्त भएको सो ओटिपी कोड केही समयसम्मका लागि मात्र प्रयोग गर्न सकिनेछ ।
यति गरिसकेपछी एटिएम बुथमा पनि कार्ड हाल्नु अगाडि नै ‘कार्डरहित’ भन्ने अप्सन देख्न सकिन्छ, र सो अप्सन छानिसकेपछि आफ्नो मोबाइल मनि मा दर्ता भएको नम्बर हाल्नुपर्ने हुन्छ ।
त्यसपछि प्राप्त ओ.टि.पी कोड र मोबाइल मनीमा अनुरोध गरिएको रकम हालेपछि एटिएमबाट नगद प्राप्त गर्न सकिने बैंकले जनाएको छ ।
कार्ड बोकी राख्न नपर्ने यो नौलो प्रविधि र सुविधाका ले कारणबस आफ्नो कार्ड बिर्सिए पनि स्मार्ट कार्डरहित एटिएम बाट पैसा झिक्न सकिनेछ लक्ष्मी बैंकको एटिएममार्फत आफूले चाहको ठाउँमा सजिलै पैसा पठाउन पनि सकिने सुविधा पनि बैंकले ल्याएको र भविष्यमा नयाँ प्रयोगहरु पनि ल्याउने जनाएको छ ।
नयाँ डिजिटल सुविधाको साथमा लक्ष्मी बैंक डिजिटल बैंकिंगमा अझै अग्रगामी रुपमा रहेको देखिन्छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
