काठमाडौं । साताको अन्तिम कारोबार दिन आज शेयर बजार राताम्मै भएको छ । आज नेप्से परिसूचक २२.७० अंकले घटेर २ हजार ३२.५१ अंकमा झरेको छ ।
आज ‘क’ वर्गका कम्पनीहरुको मापक सेन्सेटिभ इन्डेक्स पनि घट्यो । सेन्सेटिभ इन्डेक्स १.०४ अंकले घटेर ३ सय ८५.९४ अंकमा झरेको छ ।
बिहिवार लघुवित्त बाहेक अन्य सबै समुहको सूचक घट्यो । आज सबैभन्दा धेरै ट्रेडिङ समुहको सूचक घट्यो । ट्रेडिङको सूचक २.७९ प्रतिशत घट्यो । त्यस्तै, जीवन बिमा समुहको २.०३ प्रतिशत, अन्य समुहको १.९१ प्रतिशत घट्यो भने अरु समुहको पनि घट्यो ।
बुधवारको तुलनामा आज कारोबार रकममा भने केही सुधार भएको छ । आज १ सय ९५ कम्पनीको १ करोड ४१ लाख १४ हजार ६ सय ६० कित्ता शेयर किनबेच हुँदा ६ अर्ब ७६ करोड ९८ लाख ९० हजार रुपैयाँ बराबरको कारोबार भयो ।
आज सबैभन्दा धेरै माहुली सामुदायीक लघुवित्तका शेयर धनीले कमाए । माहुलीको शेयर मूल्य ९.९३ प्रतिशत बढ्यो । त्यस्तै, माउन्टेन इनर्जीको ९.७९ प्रतिशत, च्याङ्दी हाइड्रोपावरको ९.६६ प्रतिशत बढ्यो ।
सबैभन्दा धेरै गुमाउनेमा नारायणी विकास बैंकका शेयर धनी छन् । बैंकको शेयर मूल्य ७.५१ प्रतिशत घट्यो । त्यस्तै, नेपाल बैंकको ६.२५ प्रतिशत, खानीखोला हाइड्रोपारवको ५.९३ प्रतिशत घट्यो ।
बिहिबार पुनर्बीमा कम्पनीको शेयर मूल्य प्रतिकित्ता ९२ रुपैयाँ घट्यो । यो मूल्य कारोबार भएको अघिल्लो दिनको चुलनामा ५.८१ प्रतिशत कम हो ।
आज सबैभन्दा धेरै कारोबार पुनर्बीमा कम्पनीले गर्यो । कम्पनीले ८० करोड २५ लाख ८३ हजार रुपैयाँको कारोबार गर्यो । त्यस्तै, नेपाल लाईफ इन्स्योरेन्सले ५५ करोड ४० लाख ३३ हजार रुपैयाँको कारोबार गर्यो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
