काठमाडौं । नेपाल वायुसेवा निगमले फागुन १९ गते (२ मार्च २०२०) देखि जापानको नारितामा उडान सुरु गर्ने भएको छ ।
एयरलाइन्सले एयरबसको ए ३३० वाइडबडी जहाजबाट हप्ताको ३ दिन सिधा उडान गर्न लागेको एयरलाइन्सले जानकारी दिएको छ।
सिधा उडान सोमबार, बुधबार र शुक्रवार हुनेछ । बिहान १ बजेर २५ मिनेटमा त्रिभुवन अन्तर्राष्ट्रिय विमानस्थलबाट उडान गरिने सो विमान सोही दिन साँझ ६ बजेर २५ मिनेटमा काठमाडौंमा अवतरण गर्ने कार्यतालिका एयरलाइन्सले बताएको छ।
हालका लागि प्रवद्र्धनात्मक भाडादर काठमाडौंबाट नारिताका लागि एकतर्फी रु.३७ हजार र दुईतर्फी भाडा रु.७३ हजार निर्धारण गरिएको छ ।
यसका साथै विजनेस क्लासमा यात्रा गर्नेले प्रति व्यक्ति २५/२५ के.जी. का २ वटा ब्यागेज र इकोनोमी क्लासमा यात्रा गर्नेले प्रतिव्यक्ति २३/२३ के.जी.का २ वटा व्यागेजको सुविधा पाउने छन् ।
नारिताको उडान प्रारंभ भएपछि टोकियो र वरपरका यात्रुहरुलाई सुविधा हुनेछ भने सिधा उडानले गर्दा ट्रान्जिटको झन्झट समेत समाप्त हुनेछ ।
निगमले सुरुमा नारिता उडान गर्ने भने पनि ओशाका उडान सुरु गरेको थियो । अब भने ओशाका उडान स्थगित गरी नारितामा सुरु हुने भएको हो । ओशाका जापानको सदरमुकाम टोकियो भन्दा धेरै पर छ भने नारिता नजिक रहेकाले नेपालीहरुका लागि नारिता सहज हुने छ ।
लामो दूरीमा हवाई सेवा दिने उद्देश्यले निगमले वाइड बडी विमान ल्याए पनि हाल छोटा दूरीमा नै सञ्चालन हुँदै आएको छ । जसका कारण निगमले अपेक्षा गरे अनुसार आयआर्जन गर्न सकिरहेको छैन । नारिता उडान सुरु भएपछि व्यापारमा पनि वृद्धि आउने अपेक्षा निगमको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
