एजेन्सी । लिग वानमा पेरिस सेन्ट जर्मेन (पीएसजी)ले नान्टेसमाथि सहज जित निकालेको छ । गएराति भएको खेलमा पीएसजीले नान्टेसलाई ३-१ गोल अन्तरले पराजित गरेको हो ।
पीएसजीलाई सहज जित दिलाउनको लागि अर्जेन्टिनी फरवार्ड लियोनेल मेस्सीले र फ्रान्सेली फरवार्ड केलियन एमबाप्पेले समान एक-एक गोल गरे । लिग वानमा मेस्सीको यो पहिलो गोल हो । पीएसजीले एक गोल भने उपहार पाएको थियो । नान्टेका लागि रान्डल कोलो मुआनीले एक गाेल गरे ।
खेलको दोस्रो मिनेटमा नै एमबाप्पेले गोल गर्दै पीएसजीलाई आग्रता दिलाएका थिए । उनले लियान्द्रो ड्यानियल पारेडेसको पासमा गोल गरेका थिए ।
७६औं मिनेटमा मुआनीले गोल गर्दै खेललाई १-१ गोलको बराबरीमा ल्याए । ८२औं मिनेटमा डेनिस एपिआले आत्मघाती गोल गरेपछि पीएसजी २-१ ले अघि बढ्यो ।
८७औं मिनेटमा मेस्सीले गोल गर्दै पीएसजीलाई सहज जित दिलाए । उनले एमबाप्पेको पासमा गोल गरेका थिए ।
यो जितसँगै शीर्षस्थानमा रहेको पीएसजीको १४ खेलबाट ३७ अंक जोडेको छ । पराजित नान्टेस १८ अंक जोडेर ११औं स्थानमा रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
