काठमाडौं। अन्तराष्ट्रिय पञ्चाङ्ग निर्णायक समितिले नेपाल बाहिरको लागि पनि दशैंको टीकाको उत्तम साइत सार्वजनिक गरेको छ ।
विभिन्न देशमा बसोबास गर्ने नेपालीबाट टीकाको साइत माग भए अनुसार समितिले बिहीबार स्थानीय समय अनुसार साइत सार्वजनिक गरेको विज्ञप्तिमार्फत जनाएको छ ।
समितिका अनुसार भारतमा अक्टोबर १५ का दिन बिहान १० बजेर २ मिनेटको लागि उत्तम समय जुरेको छ । अमेरिकाको न्यूयोर्कमा अक्टोबर १५ को ९ बजेर २१ मिनेटमा टीका लगाउने साइत जुराइएको छ ।
यस्तै टेक्सासमा १५ अक्टोबरको ८ बजेर १५ मिनेट, मेलबर्न, अस्ट्रेलियामा १५ अक्टोबरको १० बजेर ३१ मिनेटमा तथा सिड्नीमा १० बजेर २५ मिनेटमै टीका लगाउनु पर्ने साइत निकालिएको छ ।
मेलब्रनमा १०:३१ र ब्रिससेनको साइत प्रात १०:२९ मा रहेको छ । नेपालमा भने विजयादशमीका दिन साइत खोजेर टीका लगाउनेका लागि बिहान १०ः ०२ बजेको साइत शुभ रहेको छ ।
विभिन्न देशहरुमा सबैभन्दा उत्तम साइतको रुपमा समय निर्धारण गरिएको जानकारी गराउँदै समयानुकुल टीका लगाउन सकिने पनि जानाकारी दिएको छ । 
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
