काठमाडाैं । कांग्रेस सांसद् गगनकुमार थापाले कचौरा थापेर शिक्षा क्षेत्रको विकास नहुने बताउनु भएको छ ।
आइतबार बसेकाे प्रतिनिधि सभा बैठकमा बोल्दै थापाले प्रत्येक संकटसँग अवसर जोडिएर आउने भएपनि नेपाल सरकाले त्यो अवसलाई उपयोग गर्न नसकेको बताउनुभयो ।
शिक्षा मन्त्रालयको खर्चले माननियलाई बोल्ने हैसियत समेत नदिएको उहाँले बताउनुभयो । ‘बजेट हेर्दा शिक्षामा कटौरा थापे जस्तो देखियो, कटौरा थापेर विद्यालय चल्दैन’ - थापाले भन्नुभयो ।
थापाले राष्ट्रपति शैक्षिक सुधार कार्यक्रममाथि समेत प्रश्न उठाउनुभयाे । राष्ट्रपति शैक्षिक सुधार कार्यक्रम संघीयता, संविधान र राष्ट्र विरोधी कार्यक्रम भएको सांसद् थापाले बताउनुभयो ।
उहाँले प्रश्न गर्नुभयाे - ‘कसैले पाइला टेकेको ठाउँमा पैसा बाँड्नु हिजोको राजाको शैली हो, शिक्षामन्त्रीलाई सोध्न मन लागेको छ, राष्ट्रपतिलाई श्री ६ बनाउने रहर किन पलायो?’
कसैको स्वार्थका लागि नागरिकको स्वार्थमाथि खेलबाड गर्नेगरी विद्युतीय सवारी साधनमा कर नबढाउन उहाँले आग्रह गर्नुभयो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
