काठमाडौं । नेपाल स्टक एक्स्चेन्ज (नेप्स)मा थप दुई कम्पनीको बोनस सेयर सूचीकृत भएको छ । नेप्सेमा बुधबार सानिमा बैंक र सीवाइसी नेपाल लघुवित्त वित्तीय संस्थाको बोनस सेयर सूचीकृत भएको हो ।
सानिमाले गत आर्थिक वर्ष २०७८/७९ को नाफाबाट वितरण गरेको १० प्रतिशत बोनस बापतको १ करोड १३ लाख २७ हजार ३७७.३३ कित्ता बोनस सेयर सूचीकृत गरेको हो ।
त्यसैगरी, सीवाइसी लघुवित्तको ३० प्रतिशत अर्थात् ३ लाख ६४ हजार ९२५.५१ कित्ता बोनस सेयर नेप्सेमा सूचीकृत भएको हो ।
नेप्सेमा सूचीकृत बोनस सेयर सम्बन्धित सेयरधनीहरुको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
