add

विश्वकप फुटबल: उपाधि दाबेदार ब्राजिल र पाेर्चुगलकाे विजयी शुरुवात






ActPro Nepal

|

९ मंसिर, २०७९

|
339

काठमाडौं । कतारमा जारी फिफा विश्वकपअन्तर्गत गएराति सम्पन्न आ–आफ्नो खेलमा जित हात पार्दै ब्राजिल र पाेर्चुगलले विजयी सुरुवात गरेका छन् ।

समूह `जी´ काे खेलमा ब्राजिलले सर्बियालाई २-० ले हरायाे । उसका लागि दुवै गाेल रिचार्लिसनले गरे ।

लुसेल स्टेडियममा खेलको ६२ औं मिनेटमा रिचार्लिसनले गोल गर्दै ब्राजिललाई अग्रता दिलाएका थिए । ७३ औं मिनेटमा उनैले व्यक्तिगत दोस्रो गोल गर्दै टाेललाई २-० को जित दिलाए ।

जितसँगै ब्राजिलले तीन अंक जाेड्दा सर्बियाले हारबाट प्रतियाेगिताकाे सुरुवात गरेकाे छ । त्यस्तै, समूह `एच´ अन्तर्गतकाे खेलमा पाेर्चुगलले घानाविरुद्ध ३-२ काे राेमाञ्चक जित निकाल्यो ।

उपाधि दाबेदार पोर्चुगलले विश्वकप फुटबलमा विजयी सुरुआत गरेको छ। कप्तान क्रिस्टियानो रोनाल्डोले कीर्तिमान बनाएको खेलमा पोर्चुगलले घानामाथि संघर्षपूर्ण जित निकालेको हो।खेलमा सबै गोल दोस्रो हाफमा भएको थियो।

खेलको ६५ औं मिनेटमा रोनाल्डोले पेनाल्टीबाट गोल गर्दै पोर्चुगललाई सुरुआती अग्रता दिलाएका थिए। घानाका मोहमदले रोनाल्डोलाई पेनाल्टी क्षेत्रभित्र फउल गर्दै लडाएपछि पोर्चुगलले पेनाल्टी पाएको हो। जसमा रोनाल्डोले सहजै गोल गरे।

यस गोलसँगै रोनाल्डोले लगातार पाँच विश्वकपमा गोल गर्ने पहिलो खेलाडीको कीर्तिमान बनाए। ३७ वर्षीय रोनाल्डोले यस अघि २००६, २०१०, २०१४ र २०१८ को विश्वकपमा गोल गरेका थिए।


एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुकट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।


testbelow article3 ads  below article3 ads below article

प्रतिक्रिया

थप केही समाचार

Top

COPYRIGHT ©actpronepal.com 2024. ALL RIGHTS RESERVED.