add

सन्दीप लामिछानेविरुद्ध पक्राउ पुर्जी जारी






ActPro Nepal

|

२३ भदौ, २०७९

|
759

काठमाडौं। नेपाली राष्ट्रिय क्रिकेट टिमका कप्तान सन्दीप लामिछानेलाई पक्राउ गर्न प्रहरीले अनुमति पाएको छ । बिहीबार काठमाडौं जिल्ला अदालतले लामिछानेलाई पक्राउ गर्न अनुमति दिएको हो । 

अदालतको अनुमतिसँगै प्रहरीले सन्दीपलाई कुनैपनि बेला पक्राउ गर्न सक्छ । सन्दीप अहिले क्यारेबियन प्रिमियर लिग (सीपीएल) खेल्न वेस्ट इन्डिजमा छन् । उनी लिग सकिएपछि मात्रै नेपाल आउने बताइएको छ । लामिछानेविरुद्ध मंगलबार एक नाबालिकाले बलात्कारको जाहेरी दिएकी थिइन् । त्यसबारे अनुसन्धानका लागि उनलाई पक्राउ गर्न प्रहरीले अदालतको अनुमति मागेको थियो । सोही अनुसार अदालतले बिहीबार अनुमति दिएको हो । 

प्रहरीले पीडित किशोरीको स्वास्थ्य परीक्षण तथा प्रारम्भिक अनुसन्धान जारी राखेको छ । पीडित किशोरीले सन्दीपले आफूलाई दिनभरी नगरकोट घुमाएको र राती काठमाडौंको एक होटलमा लगेर बलात्कार गरेको बताएकी छन् । प्रहरीले काठमाडौं र नगरकोटको होटलका सिसीटिभी फुटेज संकलन गरिसकेको छ । फुटेजमा सन्दीप किशोरीसँगै देखिएको प्रहरीले जनाएको छ । 


एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुकट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।


testbelow article3 ads  below article3 ads below article

प्रतिक्रिया

थप केही समाचार

Top

COPYRIGHT ©actpronepal.com 2024. ALL RIGHTS RESERVED.