काठमाडौं । प्रभु लाईफ इन्स्योरेन्स लिमिटेड र महालक्ष्मी लाईफ इन्स्योरेन्स लिमिटेड बीच मर्जर सम्झाैता भएकाे छ ।
बिहिबार होटल एलफ्ट ठमेलमा दुबै बीमकका अध्यक्षद्वारा मर्जर सम्झाैता पत्रमा हस्ताक्षर भएको हाे ।
सम्झौता अनुसार दुवै कम्पनीको शेयर स्वाप रेसियो १:१ अनुपातमा रहने छ भने मर्जर पछि बन्ने बीमकको नाम प्रभु महालक्ष्मी लाईफ इन्स्योरेन्स लिमिटेड रहनेछ ।
मर्जर पछि सञ्चालक समितिमा प्रमु लाईफका अध्यक्ष सुभाष अमात्य र प्रमुख कार्यकारी अधिकृतमा महालक्ष्मी लाईफका रमेश कुमार भट्टराई रहने तय भएको छ ।
दुबै बीमकका सञ्चालक समितिका सदस्यहरु तथा प्रमुख कार्यकारी अधिकृतहरुको उपस्थितिमा उक्त सम्झौता सम्पन्न भएको छ।
सम्झाैतामा प्रभु लाईफका तर्फबाट अध्यक्ष सुभाष अमात्य र महालक्ष्मी लाईफका तर्फबाट मनाेरञ्जन रमण शर्माले हस्ताक्षर गरेका थिए ।
बीमा समितिले गत चैतमा जीवन र निर्जिवन बीमा कम्पनीको चुक्ता पूँजी साढे दुईगुणाले वृद्धि गर्ने निर्णय गरेसँगै ताेकिएकाे पूँजी पुर्याउन मर्जरकाे दबाबमा बीमा कम्पनीहरू छन् ।
जसकाे कारण धमाधम कम्पनीहरू मर्जर सम्झौताका लागि पार्टनर खाेजिरहेका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
