काठमाडौं । सेयर बजारमा बिहिबार पनि उच्च अंकले गिरावट आएको छ ।
आज नेप्से परिसूचक ४५.२५ अंकले घटेर १८४८.२८ अंकमा झरेको हो । मंगलबार ३७ अंकले बढेको नेप्से बुधबार ३१ अंकले घटेको थियो ।
सूचक घटेता पनि आज कारोबार रकममा भने बृद्धि भएकाे छ । यस दिन २३७ कम्पनीको १ अर्ब ४९ करोड ९७ लाख ९ हजार ६३५ रुपैयाँ बराबरको ५० लाख ८ हजार ७७१ कित्ता सेयर किनबेच भएको छ ।
कारोबारमा आएका १३ वटै समूहको परिसूचक राताम्मे भएको छ । हाइड्रोपावर समूूह सबेभन्दा धेरै ४.११ प्रतिशतले घटेको छ । त्यस्तै, विकास बैंक समूह ३.७९, इन्भेष्टमेन्ट ३.५२, फाइनान्स ३.४८ प्रतिशतले घटेको छ ।
आज कुमारी बैंकको सर्वाधिक कारोबार भएको छ । यसको ९ करोड ५३ लाख रुपैयाँ बढीको कारोबार भएको छ ।
त्यसैगरी, लक्ष्मी बैंकको ६ करोड ३६ लाख,नबिल बैंक ५ करोड ५३ लाख, हिमालयन डिष्ट्रलरी र एनआईसी एसिया बैंकको ४ करोड बढी रुपैयाँ बराबरको सेयर किनबेच भएको हो ।
उच्च अंकले घटेको बजारमा पनि आज दुई कम्पनीको सेयर मूल्यमा पोजेटिभ सर्किट लागेको छ ।
आँधिखोला लघुवित्त र सीवाइसी नेपाल लघुवित्त वित्तीय संस्थाको सेयर मूल्यमा पोजेटीभ सर्किट लागेको हो ।
आँधिखोला लघुवित्तका सेयरधनीले ठ्याक्कै १० प्रतिशत कमाएका छन भने सीवाइसी नेपाल लघुवित्त वित्तीय संस्थाका लगानीकर्ताले ९.९९ प्रतिशत कमाएका छन् ।
घट्दो बजारमा शिव श्री हाइड्रोपावर र लिबर्टि इनर्जि कम्पनीका सेयर मुल्यमा सेयरधनीले सबैभन्दा धेरै ९ प्रतिशत भन्दा बढीले गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
