काठमाडौं । शुक्रबार सम्पन्न स्थानीय तहको निर्वाचनको मतगणना देशभर जारी छ।
काठमाडौं महानगरपालिकामा प्रमुख पदका लागि स्वतन्त्र उम्मेदवारले नै अग्रता कायमै राखेका छन् ।
सार्वजनिक प्रारम्भिक मत परिणाममा ४० हजार ३८३ मत गन्दा पछिल्लो परिणामअनुसार प्रमुख पदका स्वतन्त्र उम्मेदवार बालेन्द्र साह (बालेन) ले १५ हजार ३५६ मत प्राप्त गरी आफ्नो अग्रता कायम राखेका छन् ।
त्यसैगरी प्रमुख पदकै उम्मेदवार नेकपा (एमाले)का केशव स्थापितले ८ हजार १०८ र नेपाली कांग्रेसका सिर्जना सिंहले ७ हजार १८९ मत प्राप्त गरेकी छिन् ।
उपमेयरतर्फ एमालेकी उम्मेदवार सुनिता डङ्गोलले १५ हजार २१७ मतसहित अग्रस्थान कायमै राखेकी छिन् । हाल प्रदर्शनी मार्गस्थित राष्ट्रिय सभागृमा कामपाको मतगणना कार्य भइरहेको छ ।
अहिले वडा नम्बर ३, ४, ६, २९, ३० ३१ र ३२ को मतगणना कार्य जारी छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
