add

शेयर बजार दोहोरो अंकले बढ्यो,परिसूचक २७८४ अंक पुग्दा ७ अर्ब १२ करोडको कारोबार






ActPro Nepal

|

२६ पुष, २०७८

|
384

काठमाडौं। साताको कारोबारको दोस्रोदिन शेयर बजार दोहोरो अंकले बढेको छ ।

कारोबार शुरु भएदेखि नै उकालो ओरोलो भैरहेको शेयर बजार मापक सूचक(नेप्से) १९.४३ अंकले बढेर २७८४.९५ विन्दुमा पुगेको हो ।

नेपाल स्टक एक्सचेन्जका अनुसार सोमवार २३६ कम्पनीको ७ अर्ब १२ करोड ३४ लाख २४ हजार ३५ रुपैयाँ बराबरको १ करोड ४२ लाख ८८ हजार १३० कित्ता शेयर किनबेच भएका छन् ।

सोमबार कारोबार रकममा पनि सुधार आएको छ । आइतबार ७ अर्ब १० करोड १८ लाख बराबरको कारोबार भएको थियो । आज कारोबारमा आएका १३ वटा समूहमध्ये ३ समूह्को परिसूचक राताम्मे भएको छ भने १० समूहको परिसूचकमा हरियाली छाएको छ ।

अन्य समूह सबैभन्दा धेरै ५.४८ प्रतिशतले बढेको छ । त्यस्तै, फाइनान्स समूह पनि ३.३१ प्रतिशतले बढेको छ भने होटल समूह सबैभन्दा धेरै १.१८ प्रतिशतले घटेको छ ।

दोहोरो अंकले बढेको बजारमा आज तीन कम्पनीको सेयर मूल्यमा पोजेटिभ सर्किट लागेको छ ।

मध्य भोटेकोशी जलविद्युत्को शेयर मूल्य ठ्याक्कै १० प्रतिशतले बढेको छ । त्यस्तै, युनियन हाइड्रोपावर र कर्पोरेट डेभलपमेन्ट बैंकका लगानीकर्ताले पनि करिब १० प्रतिशत कमाएका छन् ।

त्यसैगरी, खानीखोला ८.२०, हिमालयन ऊर्जा ८.०५, गोर्खा फाइनान्स ७.११, रुरु जलविद्युत् ६.७८, नेशनल लाइफ ६.७२, जोशी हाइड्रोपावर ६.५८, एनएमबी ५० म्युचुअल फण्ड, नेपाल पुनर्बीमा, घलेम्दी हाइड्रोपावर, नेपाल टेलिकम, माउन्टेन इनर्जी र नेपाल हाइड्रो डेभलपरको शेयर मूल्य ५ प्रतिशभन्दा धेरैले बढेको छ ।

गोर्खा फाइनान्स सर्वाधिक कारोबार भएको छ । यसको साढे २२ करोड बढीको शेयर किनबेच भएको छ । त्यस्तै, नेपाल टेलिकमको साढे २१ करोड र एचआइडीसीएल २१ करोड बढीको कारोबार भई धेरै कारोबार हुने शीर्ष तीन कम्पनीमा रहे ।


एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुकट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।


testbelow article3 ads  below article3 ads below article

प्रतिक्रिया

थप केही समाचार

Top

COPYRIGHT ©actpronepal.com 2024. ALL RIGHTS RESERVED.