काठमाडौं । हुन्डाई अटोमोबाईलको नेपालका लागि अधिकृत विक्रेता लक्ष्मी ईन्टरकन्टीनेन्टलले नेपालमा हुन्डाई ग्राण्ड आई१० नियोस सार्वजनिक गरेको छ ।
कम्पनीले लामो समयदेखि ग्राण्डलाई माया गर्ने ग्राहकलाई मध्यनजर गर्दै उक्त गाडी नेपालमा पनि सार्वजनिक गरेको हो ।
स्टाईलीस लुक्ससहितको नियोसमा भीटीभीटी प्रविधिमा आधारित १ दशमलव २ लिटर पेट्रोल ईन्जीन प्रयोग गरिएको छ । यस्तै गाडीमा अन्य धेरै प्रकारका सुविधाहरु जडान गरिएको छ जसले ग्राहकलाई सन्तुष्टि प्रदान गर्ने कम्पनीले जानकारी दिएको छ ।
कम्पनीले हाल उक्त गाडी पोलार ह्वाईट, टाईफुन सिल्भर, टाईटान ग्रे, फेईरी रेड र अक्वुवा टिल रंगहरुमा सार्वजनिक गरेको छ ।
कारमा एप्पल कारप्ले, एन्ड्रोईट अटो, टचस्क्रिन ईन्फोटेनमेन्ट सिस्टमलगायत जडान गरिएको छ । यस्तै क्याविन एण्ड रियर एसी, एयरब्याग, रियर पार्किङ क्यामरालगायत यस गाडीका अन्य विशेषताहरु हुन् । कम्पनीले उक्त गाडीको सुरुवाती बजारमूल्य ३० लाख ९६ हजार रुपैयाँ तोकेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
