काठमाडौं, १२ फागुन । सुनको मूल्य बढ्ने क्रम सोमवार पनि जारी नै रह्यो । सोमवार छापावाल सुनको मूल्यमा नयाँ किर्तीमान कायम भएको छ ।

आइतवार प्रतितोला ७८ हजार ८०० रुपैयाँमा कारोबार भएर नयाँ रेकर्ड कायम गरेको सुनको मूल्यमा सोमवार १५०० रुपैयाँ बढ्दै प्रतितोला ८० हजार ३०० रुपैयाँ कायम भएसंगै सुनको मूल्यमा अर्को रेकर्ड कायम भएको हो ।

सोमवार तजावी सुनको मूल्य पनि प्रतितोला १५०० रुपैयाँले नै बढ्यो ।

आइतवार प्रतितोला ७८ हजार ५०० रुपैयाँमा कारोबार भएको तेजावी सुनको मूल्यमा सोमवार १५०० रुपैयाँ बढ्दै प्रतितोला ८०,००० कायम भएको नेपाल सुनचाँदी व्यवसायी महासंघले बताएको छ ।

सोमवार चाँदीको मूल्य प्रतितोला ५ रुपैयाँ बढ्यो ।

अघिल्लो दिन प्रतितोला ९ सय २० रुपैयाँमा कारोबार भएको चाँदीको मूल्यमा सोमवार ५ रुपैयाँ बढ्दै प्रतितोला ९ सय २५ रुपैयाँ कायम भएको छ ।