काठमाडौं। नेपाल कम्युनिष्ट पार्टी (नेकपा) को आज शुक्रबार बस्ने भनिएको सचिवालय बैठक आइतबारका लागि सरेको छ।
बैठक कार्यकारी अध्यक्ष पुष्पकमल दाहाल ‘प्रचण्ड’ को अध्यक्षतामा पहिलोपटक पेरिसडाँडामा बस्ने तय भएको थियो। बैठक असोज ४ गतेका लागि सरेको प्रचण्डका प्रेस संयोजक विष्णु सापकोटा ‘जुगल’ ले बताए। पार्टी प्रवक्ता नारायणकाजी श्रेष्ठले सचिवालय बैठक आइतबारका लागि सरेको जानकारी दिएका छन्।
बैठकमा मन्त्रीमण्डल पुनर्गठन, संवैधानिक निकायमा रिक्त रहेका पद, सांगठनिक एकतालगायतका विषयमा छलफल हुने जनाइएको थियो।
हाम्रो पार्टीको आज बस्ने भनिएको केन्द्रीय सचिवालयको बैठक आज स्थगित भई पर्सि असोज ४ गते बिहान ११ बजे परिसडांडामा बस्ने तय भएको छ ।
— NKShresthaPrakash (@nksthaprakash)
September 18, 2020
प्रतिक्रिया