काठमाडौं । जनकपुरका पूर्वमेयर कृष्ण गिरीको कोराना भाइरस संक्रमणबाट मृत्यु भएको छ । 

पूर्वमेयर गिरीको गएराति काठमाडौंको मेडिसिटी अस्पतालमा मृत्यु भएको हो। उनको उपचारका क्रममा मंगलबार राति १२ बजे मृत्यु भएको परिवारजनले बताएका छन्।

जनकपुरधाममा होटेल रामा सञ्चालन गरिरहेका उनलाई कोरोना संक्रमण भएपछि १५ दिन अघि काठमाडौं ल्याइएको थियो। ७३ वर्षीय गिरी मुटु रोगबाट पीडित थिए। उनलाई एक सातादेखि भेन्टिलेटरमा राखेर उपचार भइरहेको थियो।

 नेपाली कांग्रेसको महासमिति सदस्य समेत रहेका गिरी ०४४–०४५ सालमा जनकपुर नगरपालिकाको मेयर भएका थिए ।