काठमाडौं । काठमाडौंको गोंगबुस्थित गणेश स्थानमा सुटकेशमा बन्द गरेको अवस्थामा शव भेटिएको छ ।

गणेशस्थान मन्दिरबाट १ सय मिटरभित्र सुटकेशमा शव भेटिएको महानगरीय प्रहरी परिसर काठमाडौंका डिएसपी राजकुमार केसीले जानकारी दिए । 

उनका अनुसार पानीले भिजेको सुटकेशबाट रगत बगेको देखेपछि प्रहरीलाई खबर आएको थियो । उनले भने, ‘फोरेन्सिक टोली बोलाएर अनुसन्धान हुँदैछ ।’ घटनाको विस्तृत विवरण आउन बाँकी छ ।

अहिलेसम्म शवको पहिचान हुन सकेको छैन ।