काठमाडौं । नेपाल क्रिकेट संघ(क्यान)ले देव खनालको कप्तानीमा एसीसी यू–१९ प्रिमियर कप खेल्नका लागि टोलीको नाम घोषणा गरेको छ।

नेपालले गत फागुनमा आईसीसी यू–१९ विश्वकप एसिया क्षेत्र छनोट उपाधि जित्दा टिममा रहेका १४ सदस्यलाई निरन्तरता दिएको छ। उक्त टोलीबाट कुनै पनि खेलाडी परिवर्तन गरेको छैन।

१६ एसोसिएट टोली सहभागी प्रतियोगितामा शीर्ष तीन टोलीले आगामी डिसेम्बरमा हुने यू–१९ एसिया कप खेल्न अवसर पाउने छन्। प्रतियोगिता अक्टोबर १२ देखि २४ सम्म मलेसियामा हुनेछ। नेपाल उपाधिको प्रमुख दाबेदार टोली पनि हो।