काठमाडौं । अमेरिकी डलरको भाउ अहिलेसम्मकै उच्च विन्दुमा पुगेको छ ।

नेपाल राष्ट्र बैंकले सोमवारको लागि सार्वजनिक गरेको विनिमयदर अनुसार १ अमेरिकी डलरको बिक्रीदर १२५ रुपैयाँ ७२ पैसा तोकिएको छ ।

यो नै हालसम्मको उच्च भाउ हो । सोही दिन एक अमेरिकी डलरको खरिद दर १२५ रुपैयाँ १२ पैसा छ ।

यूरो एकको खरिददर १३१ रुपैयाँ ६३ पैसा र बिक्रीदर १३२ रुपैयाँ २६ पैसा रहेको नेपाल राष्ट्र बैंकले जनाएको छ ।

यसैगरी अष्ट्रेलियन डलर एकको खरिददर ८६ रुपैयाँ ३१ पैसा  र बिक्रीदर ८६ रुपैयाँ ७२ पैसा रहेको छ ।

त्यसैगरी, एक कतारी रियालको खरिददर ३४ रुपैयाँ २५ पैसा र बिक्रीदर ३४ रुपैयाँ ४२ पैसा रहेको छ ।

एक बहराईन दिनारको बिक्री मुल्य ३३३ रुपैयाँ ४७ पैसा र खरिददर ३३१ रुपैयाँ ८७ पैसा रहेको छ ।

भारतीय १ सय रुपैयाँ आज १ सय ६० नेपाली रुपैयाँमा खरिद गर्न सकिन्छ भने यसको बिक्री १ सय ६० रुपैयाँ १५ पैसा तोकिएको छ। – यस्तो छ आजको विनिमय दर