काठमाडौं । बालाजु औद्योगिक क्षेत्रमा शुक्रवार रातिदेखि भीषण आगलागी भएको छ ।

प्रहरीका अनुसार औद्योगिक क्षेत्रभित्र रहेको नेबिको बिस्कुट कारखानामा आगलागी भएको हो । राति करिब ३ बजेतिरबाट सुरु भएको आगलागी अझै नियन्त्रणमा आउन नसकेको काठमाडौं प्रहरीले जनाएको छ ।

सशस्त्र प्रहरी, नेपाल प्रहरी र महानगरको अग्निनियन्त्रक टोली रातिदेखि नै आगो निभाउने प्रयासमा छ । 

आगो निभाउन दमकल, पानी ट्यांकरको पनि प्रयोग भइरहेको छ ।