काठमाडौं । धितोपत्र बोर्डले नेपाल इन्फ्रास्ट्रक्चर बैंक लिमिटेड (निफ्रा) लाई ५ अर्ब रुपैयाँ बराबरको उर्जा ऋणपत्र निष्कासन गर्न अनुमति दिएको छ।

बोर्डले निफ्रालाई प्रतिकित्ता १ हजार रुपैयाँ दरको ५० लाख इकाई ऋणपत्र जारी गर्ने स्वीकृति दिएको हो। उक्त ऋणपत्र “६५ निफ्रा उर्जा ऋणपत्र २०८८/८९” नामक हुनेछ, जसको अवधि ७ वर्ष र वार्षिक ब्याजदर ६ प्रतिशत रहनेछ।

उक्त कुल ५० लाख इकाईमध्ये २० लाख इकाई, अर्थात् २ अर्ब रुपैयाँ बराबरका ऋणपत्र सर्वसाधारणलाई निष्कासन गरिनेछ। बाँकी ३० लाख इकाई, अर्थात् ३ अर्ब रुपैयाँ बराबरका ऋणपत्र कम्पनीले आफ्नै पहलमा विभिन्न संस्थागत लगानीकर्तालाई बिक्री गर्नेछ।

कम्पनीले ऋणपत्र निष्कासन तथा बिक्री व्यवस्थापनको जिम्मेवारी एनआइएमबी एस क्यापिटल लिमिटेडलाई दिएको छ।

निफ्राले यो ऋणपत्रमार्फत प्राप्त पूँजी उर्जा परियोजनामा लगानी गर्न प्रयोग गर्ने जनाएको छ, जसले देशको ऊर्जा क्षेत्रको विकासमा टेवा पुग्ने अपेक्षा गरिएको छ।