काठमाडौं ।  नेपाल राष्ट्र बैंकका वरिष्ठ डेपुटी गभर्नर डा.नीलम ढुंगाना तिम्सिनालाई कायममुकायम गभर्नरको जिम्मेवारी दिइएको छ। 

उपप्रधान एवं अर्थमन्त्री विष्णुप्रसाद पौडेलले ढुंगानालाई कायममुकायम गभर्नरको जिम्मेवारी तोकेका हुन्। 

महाप्रसाद अधिकारी गभर्नरको पाँचवर्षे सेवा अवधि पूरा गरेर अवकासमा गएपछि रिक्त पदमा ढुंगानालाई कामुको जिम्मेवारी तोकिएको हो। 

राष्ट्र बैंक ऐन, २०५८ को दफा २७ बमोजिम उपप्रधान एवं अर्थमन्त्री विष्णुप्रसाद पौडेलले ढुंगानालाई कायममुकायम गभर्नरको जिम्मेवारी प्रदान गरिएको जनाइएको छ।