काठमाडौं । नेपाल प्रहरीले नयाँ नेतृत्व पाएको छ । सोमबार बसेको मन्त्रिपरिषद् बैठकले अतिरिक्त महानिरीक्षक (एआईजी) दीपक थापालाई महानिरीक्षक (आईजीपी)मा नियुक्त गर्ने निर्णय गरेको छ ।

वसन्त कुँवर सोमबारै ३० वर्षे सेवा अवधिका कारण अनिवार्य अवकाशमा गएपछि रिक्त आईजीपीमा थापा नियुक्त भएका हुन् । थापा नेपाल प्रहरीको ३१औँ आईजीपी बनेका छन् ।

थापासँगै आईजीपीका लागि एआईजीद्वय सुदीप गिरी र टेकप्रसाद तामाङ प्रतिस्पर्धामा थिए । तर, थापाले बाजीमा मारेका छन् । उनको काँधमा करिब ७५ हजार फौजको कमान्ड गर्ने जिम्मेवारी आइपुगेको छ ।