काठमाडौं । भैरहवास्थित गौतमबुद्ध अन्तर्राष्ट्रिय विमानस्थलमा पहिलो पटक चिनियाँ जहाज अवतरण गरेको छ ।

शुक्रबार गौतमबुद्ध विमानस्थलमा एयर चाइनाले चार्टर्ड उडान गरेको हो ।

गौतमबुद्ध विमानस्थल कार्यालयका अनुसार एयर चाइनाको जहाज शुक्रबार मध्याह्न १२:३० बजे अवतरण गरेको थियाे । 

उक्त चार्टर्ड विमानमा २१७ यात्रु आएका थिए । उक्त जहाज चीनको सेन्जेनबाट आएको हो ।

हाल भैरहवा विमानस्थलमा नेपाल एयरलाइन्स, जजिरा, फ्लाइ दुबई र थाइ एयर एसियाले नियमित अन्तर्राष्ट्रिय उडान गरिरहेका छन्। कतार एयरवेजले यसअघि उडान गरे पनि हाल स्थगित गरेको छ ।