काठमाडौं । यू–१९ महिला टी–२० विश्वकप छनोटअन्तर्गत नेपालले आज कुवेतसँग खेल्दैछ।

दुबईस्थित दी सेभेन डिस्ट्रिक्ट मैदानमा हुने नेपाल र कुवेतबीचको खेल नेपाली समय अनुसार अहिले बिहान ११ः १५ बजेबाट सुरु हुनेछ।

नेपालले हालसम्म चार खेलमध्य तीनमा जित हात पारेको छ। र, ६ अङ्कसहित दोस्रो स्थानमा रहेको छ। कुवेत भने लगातार चार हार व्यहोर्दै अङ्कविहीन अवस्थामा रहेको छ।

आजको खेलमा जित निकाल्दै नेपाल यू–१९ महिला टी–२० विश्वकपमा छनोट हुने आफ्नो सम्भावनालाई बलियो बनाउन चाहन्छ।

विश्वकप छनोटअन्तर्गत आजै आयोजक युएई र थाइल्यान्डबीच प्रतिस्पर्धा हुँदैछ।