आजको पञ्चाङ्ग

काठमाडौं । १० कार्तिक २०८१ | शनिवार २६-अक्टोबर २०२४। कार्तिक कृष्णपक्ष नवमी तिथि, ६ः४२ बजेपछि दशमी। अश्लेषा नक्षत्र, १३ः४१ बजेपछि मघा। चन्द्रराशि कर्कट, १३ः४१ बजेपछि सिंह।

आजको राशिफल

मेष : दिन सामान्य छ। आज लगानीका क्षेत्र जोखिममा छन्। व्यापारमा मन्दी आउनेछ। खानपानमा ख्याल नगर्दा रोग बढ्नेछ। सरकारी कर्मचारी भए बढुवा हुने योग छ। परिवारको साथ र सहयोग मिल्नेछ।

वृष : तपाईंले राम्रो शब्द बोले पनि गलत अर्थ लगाउने साथी सक्रिय छन्। बौद्धिक साथीले सहयोग नगर्दा मन अशान्त बन्नेछ। सप्तम भावमा शुभग्रह रहेकाले परिवारको साथ मिल्नेछ। परिवारमा माया बढ्नेछ।

मिथुन : स्वदेशमा रोजगारीको क्षेत्र पत्ता लाग्नेछ। बन्धुको साथ र सहयोग प्राप्त हुनेछ। धार्मिक क्षेत्रको लगानी भए फाइदा हुनेछ। परिवारमा राम्रो घुलमिल हुनेछ। प्रेम सम्बन्ध सुमधुर बन्नेछ।

कर्कट : दिनको सुरुवात रमाइलो हुनेछ। धार्मिक कार्यमा सहभागी हुने अवसर मिल्नेछ। राजनीतिक संगठनमा तपाईंले अवसर प्राप्त गर्नुहुनेछ। परोपकार गर्ने हिम्मत गर्नुपर्नेछ। प्राविधिक शिक्षामा गरेको लगानीबाट नाफा हुनेछ। परिवारमा महत्त्वकांक्षा बढ्दा धोका हुनेछ।

सिंह : तपाईंको राशिमा चन्द्रमा पुगेका छन्। तपाईंको बोलीको प्रभावले राम्रो काम बन्नेछ। शरीरको रोग निको हुनेछ। वैदेशिक लगानीबाट फाइदा हुनेछ। परिवारको सल्लाह लिएर अगाडि बढेमा महत्त्वपूर्ण काम बन्नेछ।

कन्या : लगानीमा सहकार्य गरेका साथीले आक्रमण गर्ने जोखिम छ। बन्धुको साथ लिएर अगाडि बढेमा दिन सहज बन्नेछ। रोग प्रतिरोधी क्षमता बढ्नेछ। परिवारको साथ र सहयोग मिल्नेछ। प्रेम सम्बन्धमा सफलता मिल्नेछ।

तुला : तपाईंको सफलतामा दाग देखाउने साथीभाइ सक्रिय भएकाले सचेत बनेर अगाडि बढ्नुपर्नेछ। लगानीका क्षेत्रमा बेफाइदा हुनेछ। आफूभन्दा ठुला व्यक्तिको सहयोग लिएर अगाडि बढेको खण्डमा काम बन्नेछ। परिवारमा भने खटपटी बढ्नेछ।

वृश्चिक : दैनिकी भन्दा धेरै काम नगर्नु राम्रो हुनेछ। प्राविधिक शिक्षामा गरेको लगानीबाट फाइदा हुनेछ। भाग्यको स्थानमा शुभग्रह भएकाले मन शान्त बन्नेछ। परिवारको तर्फबाट रचनात्मक साथ मिल्नेछ। प्रेम सम्बन्ध सुमधुर बन्नेछ।

धनु : आम्दानी भन्दा खर्च बढेर जानेछ। सञ्चित धनलाई जोगाउने प्रयास गर्नुपर्नेछ। इज्जत जोगाउन खर्च भए पनि कानुनी लडाइँमा जित तपाईंको हुनेछ। धार्मिक व्यक्तिसँगको सल्लाहले मनमा उत्साह थपिनेछ।

मकर : शुभ ग्रहको बल भएकाले अन्त्य साढेसाती दशा भए पनि आम्दानी र खर्च बराबर हुनेछ। दाजुभाइसँगको सहकार्यमा गरेको लगानीबाट फाइदा हुनेछ। वैदेशिक रोजगारीको क्षेत्रमा गरेको लगानीबाट नाफा हुनेछ। परिवारमा भने खटपटी बढ्नेछ।

कुम्भ : मध्य साढेसाती दशा भए पनि शुभग्रह तपाईंका दाहिना छन्। शिक्षाका क्षेत्रमा गरेको लगानीबाट सान्त्वना मिल्नेछ। राजनीतिक क्षेत्रमा अगाडि नबढ्नु फाइदा हुनेछ। भाग्यको स्थानमा शुक्र कमजोर भएकाले ठुलो काम गर्ने योजना भए परिवारको साथ लिनु आवश्यक देखिन्छ।

मीन : दिन सहज छ। मनमा नयाँनयाँ भावना उर्लने छन्। लगानीका क्षेत्रमा स्वदेशमा भन्दा वैदेशिक लगानीमा मन जानेछ। लगानी गरेको भए फाइदा हुनेछ। खानपानमा ख्याल नगर्नाले रोगको प्रकोप बढ्नेछ। परिवारमा भने सम्बन्ध सुमधुर बन्नेछ। प्रेममा सफलता मिल्ने योग छ।

राशिफल जे जस्तो भएपनि तपाईंको दिन शुभ रहोस् ।