अयोध्या । भारतको अयोध्यामा आगामी माघ ८ गते हुन लागेको राम मन्दिरको प्राण प्रतिष्ठाका लागि तयारी तीव्र गतिमा भइरहेको छ । कार्यक्रममा आउने आगन्तुकका लागि आवाशदेखि सुरक्षाको व्यवस्था मिलाइएको छ । 

यसैबीच प्राण प्रतिष्ठा कार्यक्रमका लागि लड्डु बनाउने काम शुरु भएको छ । उत्तर प्रदेश र गुजरातका मजदूरहरूले देशी घिउबाट बनेको विशेष लड्डु तयार गर्दैछन् । भारतीय सञ्चारमाध्यमका यो प्रसाद देवराह बाबाले जनवरी २२ मा आउने रामभक्तहरूलाई बाँड्ने छन् ।

लड्डुको प्रसाद तयार गरी टिफिनमा प्याक गरिँदैछ । देवराह बाबाका शिष्यलाई उद्धृत गर्दै भारतीय मिडियाले लेखेका छन्, ‘यो शुद्ध देसी घिउबाट बनेको लड्डु हो, जसमा एक थोपा पानी पनि प्रयोग गरिएको छैन । ६ महिनासम्म बिग्रने छैन । पहिले चाँदीको थालमा भगवान रामलालालाई बलि चढाइन्छ । यो प्रसाद भोगपछि आउने भीआईपीहरूलाई दिइनेछ।’

एउटा बक्समा कुल ११ वटा लड्डु हुनेछन् । दर्शनका लागि आउने रामभक्तहरूलाई पनि प्रसाद वितरण गरिने सो बक्समा ५ ओटा लड्डु रहने छन् । देवराह बाबाको प्रेरणामा १ हजार १११ मण लड्डु चढाइँदैछ । रामललालाई ४४ क्विन्टल लड्डु चढाइनेछ ।

भूमि पूजनका बेला पनि देवराह बाबाले ट्रस्टलाई हजारौँ क्विन्टल लड्डु दिएका थिए । ४४ क्विन्टल लड्डु बनाउन ४० जना कारिगरहरु लागेका छन्, यो लड्डुको विशेषता भनेको यसमा पानीको एक थोपा पनि प्रयोग गरिएको छैन । देवराह बाबा एक संत थिए । जसले राम मन्दिर निर्माणको भविष्यवाणी गरेका थिए। 

भगवान् रामको जन्म भएको ठाउँमा भगवान् श्रीरामको भव्य मन्दिर निर्माणको काम गरिने उनले बताएका थिए, जुन उनको सपना पूरा हुँदैछ ।