समयमै वित्तीय विवरण पेश नगर्ने ८९ कम्पनीलाई कारबाही, १ लाखसम्म जरिवाना

समयमै वित्तीय विवरण पेश नगर्ने ८९ कम्पनीलाई कारबाही, १ लाखसम्म जरिवाना

ActPro Nepal

फन्ट परिवर्तन गर्नुहोस:

  • change font
  • change font
  • change font

काठमाडौं । नेपाल धितोपत्र बोर्डले एकैपटक नेपाल स्टक एक्सचेन्ज (नेप्से)मा सूचीकृत ८९ कम्पनीलाई कारबाही गरेको छ ।

बोर्ड संचालक समितिको सोमबार बसेको बैठकले तोकिएकै समयमा वित्तीय विवरण नबुझाउने ८९ कम्पनीलाई कारबाही गर्ने निर्णय गरेको हो । साथै, बोर्डले ती कम्पनीहरूलाई स्पष्टीकरण समेत सोधेको छ ।

संगठित संस्थाहरुले धितोपत्र दर्ता तथा निष्कासन नियमावली, २०७३ को अनुसूची १४ मा उल्लेखित विवरणहरु त्रैमासिक अवधि समाप्त भएको ३० दिनभित्र बोर्डमा पेश गर्नु पर्ने हुन्छ । साथै त्यस्तो विवरण राष्ट्रियस्तरको दैनिक पत्रिकामा प्रकाशन गर्नुपर्ने व्यवस्था रहेको छ ।

कम्पनीले यसअघि नै समयमा वित्तीय रिपोर्ट पेश गर्ने निर्देशन दिएपछि हालसम्म पेश नगरेका कम्पनीलाई पहिलो चरणमा स्पष्टीकरण माग गरेको बोर्ड एक अधिकारीले बताए । उनले भने, ‘यसअघि नै समयमा वित्तीय विवरण पेश गर्ने निर्देशन दिएका थियौ । तर अझै ८९ कम्पनीले पेश नगरेको देखियो । के कति कारणले पेश नगरेको भनि स्पष्टीकरण माग गरेको हो । चित्त बुझ्ने जवाफ नआए कारबाही प्रक्रिया अगाडि बढाउछौं ।’

समय मै रिपोर्ट पेश नगर्ने कम्पनीलाई ५० हजारदेखि १ लाखसम्मको कारोबार गर्ने ब्यवस्था रहेको छ ।

Recent Comments

No comments to show.