काठमाडौं । सिनामंगलस्थित काठमाडौं मेडिकल कलेज (केएमसी)मा डाक्टरमाथि कुटपिट भएको छ। आइतबार दिउँसो साढे १२ बजेतिर इन्टर्नका डाक्टर मनिष खड्कामाथि कुटपिट भएको हो।

डाक्टरमाथि कुटपिट भएपछि अहिले केएमसीमा कार्यरत स्वाथ्यकर्मीहरु आन्दोलनमा उत्रिएका छन्। उनीहरू अहिले अस्पताल परिसरमै नाराबाजी गर्दै प्रदर्शन गरिरहेका छन्।

डाक्टरका अनुसार एक व्यक्ति बिरामी लिएर ओपिडिमा आएका थिए। खड्काले उनलाई लाइनमा बस्न भनेपछि बिरामी लिएर आएका व्यक्तिले कुटपिट गरेका हुन्।