काठमाडौं । नेकपा (एमाले) का अध्यक्ष केपी शर्मा ओलीको सर्वसम्मत नेतृत्व चयन गर्ने चाहनामा नेताहरुले ‘ब्रेक’ लगाइदिएका छन्। प्यानल बनाएर चुनावमा होमिए उम्मेदवारी नै खारेज गर्ने चेतावनी अधिवेशन उद्घाटनकै बेलामा ओलीले दिइरहेका थिए।

तर ओलीको कडा चेतावनीको उल्लङ्घन लुम्बिनी प्रदेशमा अधिवेशनमा देखिसकिएको छ भने त्यहाँको झिल्का बाँकी प्रदेशमा पनि फैलिँदै गरेको वाग्मतीको अधिवेशनले देखाइसकेको छ।

अधिवेशन सुरु भएको चार दिन बितिसक्दा समेत सहमति हुन नसकेपछि अहिले एमाले महासचिव शंकर पोखरेल अधिवेशनको निर्वाचन स्थल समेत रहेको एमाले पार्टी कार्यालय च्यासल आएका छन् ।

ओलीले प्यानल नबनाउन निर्देशन दिएको भए पनि केन्द्रकै पदाधिकारीले प्रदेश अधिवेशनमा गुट बनाएको प्रस्ट देखिएको छ।